Қазақстанда заңсыз әкелінген телефондарды бұғаттауы мүмкін

Ашық НҚА сайтында Цифрлық даму министрлігінің абоненттік ұялы байланыс құралдарын тіркеу қағидаларына өзгерістер енгізу туралы жобасы пайда болды. Ол қабылданса, елге заңсыз әкелінген смартфондар бұғатталады.

Ведомствоның түсіндірмесінде Қазақстанда IMEI кодтары қайталанатын 3,7 миллион ұялы телефон бар екені жазылған. Бұл құрылғылардың елге заңсыз әкелінгенін білдіреді. Мемлекеттің шығыны жылына 150 миллиард теңгеге бағаланады. Сондай-ақ дұрыс емес IMEI кодтары құқық қорғау органдарына ұрланған телефондарды іздеу бойынша жедел жұмыс жүргізуге кедергі келтіреді.

Жоба 2024 жылдың 2 қыркүйегіне дейін орналастырылған.