$ 469.52 € 553.75 ₽ 6.15

Қазақстанда мобильді аударымдар 30 пайызға жуық қысқарды

Редакция
31 наурыз 2024, 05:24
Қазақстанда мобильді аударымдар 30 пайызға жуық қысқарды

Қаңтар айында елімізде мобильді аударымдар арқылы жасалатын төлем көлемі шамамен 30 пайызға қысқарған. Бұл туралы Ұлттық банк төрағасы Тимур Сүлейменов мәлімдеді.

«Біз тіпті кейбір нүктеде қолма қол валютаны қосымша нығайтуымызға тура келді. Өйткені, бастапқыда адамдар қолма қол ақшаға жүгірді. Мемлекеттік кірістер комитеті тарапынан түсіндірулер, кеңестер берілгеннен кейін жағдай тынышталды және алдағы уақытта да тыныштала береді. Өйткені, мұнда тұрған қорқынышты ештеңе жоқ. Қолма қол ақшасыз төлем деңгейі қалпына келеді деп үміттенеміз», - деді ол  брифингте.

Айта кетейік, осы жыл басынан әртүрлі тұлғалардан үш ай қатарынан ай сайын 100 немесе одан да көп мобильді аударымдар алған тұлғаларды ғана, яғни, кәсіпкерлік қызметтің белгілері байқалған жағдайда тексеру жүргізіле бастады.

Алайда, жақында Ұлттық экономика министрі Нұрлан Байбазаров мобильді аударымдарды тексеру мәселесін қайта пысықтайтындарын айтқан.

Соңғы жаңалықтар