Қазақстанда көліктің алдыңғы терезелерін қараңғылауға рұқсат беру туралы петиция жарияланды

Петиция epetition.kz сайтында 24 мамырда жарияланып, 3000-ға жуық қол жинап үлгерді.

«Сіздерден рұқсат құжаттарына өзгеріс енгізіп, алдыңғы терезелер мен алдыңғы әйнекті атермальды пленкамен (ішінен мөлдір) қараңғылауға рұқсат беруді сұраймыз. Көптеген елдерде автокөліктің ішкі бөлігін сақтау және жүргізуші мен жолаушылардың денсаулығын қорғау үшін алдыңғы терезелерді қараңғылауға мүмкіндік бар. Біз, азаматтар, сақтандыру құнын арттыруды немесе автомобильдерді қараңғылауға рұқсат алу үшін мемлекеттік бюджетке ақылға қонымды (100 долларға дейін) баж төлеуді қарастыруға дайынбыз», — деп жазады Александр К. полицияға жолдаған петициясында.

Алдыңғы терезелерді қараңғылауға рұқсат сұрау туралы ҚР ІІМ-не жүргізушілер бұрын да бірнеше рет жүгінген. Бірақ полиция әр кез бұл тыйымды алып тастау жоспарда жоқ екенін айтқан. Олар өз ұстанымын қауіпсіздік мәселесімен негіздеді: алдыңғы терезелерге пленка жапсыру көріністі нашарлатып, апаттарға әкеледі.

Егер петиция 50 мың дауыс жинаса, ІІМ оны қарауға міндетті.

Қазіргі уақытта көліктерді ақылы негізде қараңғылауға Өзбекстанда 2018 жылдан бастап және Қырғызстанда 2022 жылдан бастап рұқсат етілген.

Қазақстанда алдыңғы терезелерге, соның ішінде мөлдір атермальды пленкаларға түсті пленкаларды жапсырғаны үшін жүргізушілерге 5 АЕК немесе 2024 жылы 18 460 теңге айыппұл салынуы мүмкін.