$ 474.9 € 555.3 ₽ 6.24

Қазақстанда ең төменгі жалақы 150 мың теңгеге дейін өсуі мүмкін

Абдрахманов Мағжан
14 сәуір 2026, 14:57
Қазақстанда ең төменгі жалақы 150 мың теңгеге дейін өсуі мүмкін Сурет авторы: gov.kz

Қазақстанда ең төменгі жалақыны 150 мың теңгеге дейін арттыру жоспарланып отыр. Бұл туралы Ұлттық экономика бірінші вице-министрі Азамат Әмрин мәлімдеді.

Оның айтуынша, бұл шара халық табысын арттыруға бағытталған кешенді бағдарлама аясында қарастырылып жатыр. Қазіргі уақытта ең төменгі жалақы 85 мың теңгені құрайды.

Вице-министрдің сөзінше, халықаралық тәжірибеде ең төменгі жалақы медианалық жалақының шамамен 50 пайызына тең болуы тиіс. Қазақстанда медианалық жалақы шамамен 302 мың теңге деңгейінде, сондықтан көрсеткішті 150 мың теңгеге жеткізу жоспарланып отыр.

Алайда нақты қашан өсетіні әзірге белгісіз. Әмрин бұл мәселе бюджет мүмкіндіктеріне байланысты екенін және есептеулер әлі жүргізіліп жатқанын айтты.

#Ең төменгі жалақы #Медианалық жалақы #Ұлттық экономика министрлігі

Соңғы жаңалықтар