Қазақстанда қандай азық-түлік бағасы арзандағаны белгілі болды

Ұлттық статистика бюросының мәліметінше, апта ішінде Қазақстанда әлеуметтік маңызы бар бірқатар азық-түлік тауарларының құны төмендеді.

Апталық сараптама нәтижелеріне сәйкес, бағасы айтарлықтай арзандаған өнім - қияр. Оның құны 4,6%-ға төмендеп, орташа бағасы 1 келі үшін 524 теңгені құрады. Ең төменгі баға Тараз қаласында тіркелді - 357 теңге.

Сондай-ақ, нарықта мынадай тауарлардың бағасы түскен:

 Қызанақ пен сәбіз - 3,2%-ға;

 Жұмыртқа - 0,4%-ға;

 Ұн - 0,3%-ға;

 Тауық еті - 0,2%-ға.

Әлеуметтік маңызы бар азық-түлік тауарларының жалпы баға деңгейі жеті қалада төмендеді. Атап айтқанда, Ақтауда баға 0,7%-ға, Қонаевта 0,3%-ға, Жезқазған мен Петропавлда 0,2%-ға, ал Тараз, Қарағанды және Түркістан қалаларында 0,1%-ға арзандады. Астана, Шымкент, Қызылорда, Өскемен, Павлодар және Семей қалаларында баға көрсеткіштері тұрақты күйінде сақталды.

Күріш (ақталған): орташа бағасы – 534 теңге. Ең арзан баға Қызылордада (456 теңге) және Алматыда (478 теңге) байқалды.

 Қырыққабат: орташа бағасы – 198 теңге. Ең төменгі көрсеткіш Түркістанда тіркелді (137 теңге).

 Жұмыртқа (1-санат, 10 дана): орташа бағасы – 561 теңге. Қызылорда (464 теңге) мен Оралда (476 теңге) баға ең қолжетімді деңгейде болды.