$ 441.77 € 502.38 ₽ 5.23

Халықтың орташа жан басына шаққандағы ақшалай табысы артты

Редакция
28 қыркүйек 2026, 17:31
Халықтың орташа жан басына шаққандағы ақшалай табысы артты Сурет авторы: depositphotos.com
Реформа аясында бала тууына және 1,5 жасқа дейінгі күтіміне байланысты төлемдер, көпбалалы отбасылар мен аналарға берілетін жәрдемақылар, майыптығы бойынша және асыраушысынан айырылу жағдайы бойынша төленетін қаражат, сондай-ақ жерлеуге арналған төлемдер мен арнаулы мемлекеттік атағы бар азаматтарға берілетін төлемдер қайта қаралады.

Қайта қаралатын 14 әлеуметтік төлемнің толық тізімі:
Қазақстанда 14 түрлі әлеуметтік төлемді тағайындау механизмін қайта қарау жоспарланып отыр. Жаңа тәртіпке сәйкес, мемлекеттік жәрдемақылар азаматтардың нақты мұқтаждығын ескере отырып беріледі. Еңбек және халықты әлеуметтік қорғау министрлігінің мәліметінше, бұл өзгерістер «Отбасының цифрлық картасы» жүйесі бойынша әл-ауқаты жоғары және өзіне жеткілікті санатқа жатқызылған азаматтарға қатысты болмақ.

  • бала туғанда берілетін біржолғы жәрдемақы;
  • бала 1,5 жасқа толғанға дейінгі күтім бойынша төлем;
  • көпбалалы аналарға берілетін жәрдемақы (пенсионерлерді қоспағанда);
  • көпбалалы отбасыларға берілетін жәрдемақы;
  • мүгедектігі бар баланы тәрбиелеп отырған ата-аналарға берілетін төлем;
  • І топтағы мүгедектігі бар адамға күтім жасайтын тұлғаларға арналған жәрдемақы;
  • жерлеуге арналған біржолғы төлем;
  • мүгедектік бойынша берілетін кейбір жәрдемақылар;
  • асыраушысынан айырылу жағдайы бойынша төленетін жәрдемақы;
  • арнаулы санаттағы ардагерлерге берілетін төлемдер;
  • қаза тапқан әскери қызметшілердің отбасыларына төленетін қаражат;
  • «Қазақстанның ғарышкер-ұшқышы» атағы бар тұлғаларға берілетін төлемдер;
  • Қазақстан Батырларына берілетін төлемдер;
  • Қазақстанның Еңбек Ерлеріне арналған төлемдер (пенсионерлерді қоспағанда).
Министрлік өкілдері төлемдердің 1 қазаннан бастап автоматты түрде тоқтатылмайтынын хабарлады. Аталған мерзімнен бастап азаматтарға алдағы өзгерістер туралы SMS-хабарламалар, eGov Mobile және екінші деңгейлі банктердің мобильді қосымшалары арқылы хабарлана бастайды. Жаңа тәртіпті ресми енгізу үшін алдымен заңнамалық түзетулер әзірленіп, Парламент қарауына ұсынылады.

Еңбек және халықты әлеуметтік қорғау министрлігі бұл бастаманың негізгі мақсаты — мемлекеттік қолдауды шын мәнінде мұқтаж азаматтарға бағыттау екенін атап өтті. Бұл ретте әрбір төлемге қатысты құқық жеке-жеке, оның тағайындалу негіздері ескеріле отырып қарастырылатын болады.
#Әлеуметтік төлемдер #Жәрдемақы #Еңбек министрлігі #Отбасының цифрлық картасы #Бала күтімі #Көпбалалы отбасылар #Мүгедектік жәрдемақысы #Әлеуметтік реформа #Мемлекеттік қолдау #Заңнамалық түзетулер

Соңғы жаңалықтар