ҚАЗАҚСТАНДА 500 МЫҢНАН АСТАМ АДАМНЫҢ АЙЫППҰЛЫ КЕШІРІЛЕДІ: НЕНІ БІЛУ КЕРЕК?

Қандай айыппұлдар кешіріледі? 

• 2026 жылғы 17 наурыз сағат 24:00-ге дейін салынған, бірақ әлі төленбей орындалмай тұрған айыппұлдар.
•  Негізінен Ішкі істер министрлігі (полиция) желісі бойынша салынған айыппұлдар, соның ішінде ауыр зардапқа әкелмеген жол қозғалысы ережелерін бұзу айыппұлдары (барлығы 1 миллионға жуық айыппұл ісі).
• Жалпылама алғанда шамамен 17–21 миллиард теңге көлеміндегі әкімшілік айыппұлдар есептен шығарылады.

Кімдердің айыппұлы кешірілмейді?  

Амнистия қоғамға және азаматтардың қауіпсіздігіне үлкен қатер төндіретін өрескел заң бұзушылықтарға қолданылмайды:  

• Мас күйінде көлік жүргізгендер.
• Көлікті қарсы жолаққа шығарып айдағандар.
• Жүргізуші куәлігінен айыруға әкеп соққан өрескел бұзушылықтар.
• Заңсыз қару және есірткі айналымы.
• Қайталанған құқық бұзушылықтар.
• Соттар салған айыппұлдар.

Айыппұлды жою үшін не істеу керек?

Ешқандай мемлекеттік органға барып, өтініш жазудың қажеті жоқ. Әкімшілік құқық бұзушылықтардың бірыңғай тізілімі (ӘҚБ БТ) арқылы айыппұлдар базадан өздігінен автоматты түрде өшіріледі. Айыппұлы кешірілген азаматтарға бұл туралы арнайы хабарлама жіберіледі.