Қазақстан жолдарындағы соңғы жағдай: қай бағыттар ашық, қайсысы жабық

«ҚазАвтоЖол» еліміздегі республикалық маңызы бар автожолдардағы қазіргі қозғалыс жағдайы туралы ақпарат ұсынды.

12 қараша 2025 жыл, сағат 08:00-дегі жағдай бойынша қозғалысқа ашық учаскелер:

🔹 Ақмола облысы:
– «Астана – Қарағанды – Алматы» тасжолының 30–92 шақырымы (Жібек Жолы елді мекені – Қарағанды облысының шекарасы).

🔹 Қарағанды облысы:
– Сол жолдың 92–164 шақырымы (Ақмола облысының шекарасы – Теміртау қаласына дейінгі аралық).

Сонымен қатар Ақмола облысында жылдамдық режимі өзгертілді:

– 12 қарашадан бастап республикалық маңызы бар KAZ-01 «Астана – Қарағанды – Алматы» автожолының 30–92 шақырымында (Жібек Жолы – Анар станциясы аралығы) жылдамдық шектеуі 60 км/сағ-тан 80 км/сағ-қа дейін көтерілді.
– Бұған қоса, 7 қарашадан бастап «Астана – Көкшетау – Петропавл – Ресей шекарасы» жолының 19–231 шақырымында (Астана – Щучинск аралығы) жылдамдық 110 км/сағ-тан 80 км/сағ-қа дейін төмендетілген.

Шығыс Қазақстан облысында қозғалыс шектеулі:
Қар мен мұзға байланысты Осинов асуында ауыр жүк көліктеріне (тіркемесі мен жартылай тіркемесі бар) қозғалысқа тыйым салынған.
Бұл шектеу «Өскемен – Алтай – Катонқарағай – Рахман қайнары» тасжолының 46–66 шақырымында (Солтүстік ауылы – Серебрянск қаласы аралығы) енгізілген және қыс маусымы аяқталғанша күшінде болады.

Ауа райы және ескерту:
12 қарашада Ақмола, Абай, Павлодар, Қарағанды, Жетісу және Шығыс Қазақстан облыстарында жаңбыр мен қар түрінде жауын-шашын, көктайғақ және боран күтіледі.

Осыған байланысты жүргізушілерге жол қауіпсіздігін сақтау, жылдамдықты азайту және ауа райының нашарлауына бейімделу ескертіледі.