$ 474.63 € 544.5 ₽ 5.92

Қазақстан мен АҚШ Каспий құбыр консорциумы төңірегіндегі ахуалды талқылады

Абдрахманов Мағжан
30 шілде 2026, 10:18
Қазақстан мен АҚШ Каспий құбыр консорциумы төңірегіндегі ахуалды талқылады Сурет авторы: ҚР СІМ

Қазақстанның Сыртқы істер министрі Ермек Көшербаев АҚШ мемлекеттік хатшысы Марко Рубиомен телефон арқылы сөйлесті. Тараптар Каспий құбыр консорциумы (КҚК) төңірегіндегі ахуалды талқылады. Бұл туралы Қазақстанның Сыртқы істер министрлігі хабарлады.

Министрлік мәліметінше, әңгіме барысында Қазақстан мен АҚШ арасындағы екіжақты ынтымақтастық мәселелері және Президент Қасым-Жомарт Тоқаевтың G20 саммитіне қатысу үшін АҚШ-қа жоспарланған сапарына дайындық та сөз болған. Алайда КҚК жөніндегі талқылаудың егжей-тегжейі жарияланған жоқ.

Соңғы апталарда Каспий құбыр консорциумының жұмысы теңіз терминалына ұшқышсыз ұшу аппараттарының шабуылдарынан кейін қиындаған болатын. Қауіпсіздікке төнген қатерге байланысты 23 шілдеде Новороссийск портындағы мұнай тиеу уақытша тоқтатылды.

25 шілдеде Каспий құбыр консорциумы Новороссийск терминалы арқылы мұнай қабылдау мен тиеу жұмыстарын қайта бастағанын хабарлаған еді.

Соңғы жаңалықтар