Қазақстан құрамасы Billie Jean King Cup іріктеуін жеңіспен бастады

Billie Jean King Cup турнирінің іріктеу кезеңі аясында Қазақстан әйелдер ұлттық құрамасы Канаданы қабылдап, өз жанкүйерлері алдында сенімді ойын өрнегін көрсетті. Әлемдік деңгейдегі бұл командалық дода теннистегі басты турнирлердің бірі саналады.

Астана төрінде өтіп жатқан матчтардың алғашқы кездесуі 10–11 сәуір күндеріне жоспарланған. Іріктеу кезеңіндегі шымылдығын ашқан ойында Қазақстан құрамасының көшбасшысы Юлия Путинцева канадалық теннисші Кайла Кросспен кортта жолықты.

Тартысты өткен матчта Путинцева қарсыласына еш мүмкіндік қалдырмай, екі сет қорытындысы бойынша 2:0 есебімен айқын жеңіске жетті. Ол ойын барысында базалық сызықтан сенімді ойнап, дәл соққыларымен және қабылдау кезінде жоғары деңгей көрсетіп, матчтың толық бақылауын өз қолында ұстады.

Ұлттық құраманы қолдауға арнайы келген құрметті қонақтардың қатарында Михайл Шайдоров пен Ербол Хамитов болды. Спорт саңлақтарының қолдауы командаға ерекше мотивация бергені сөзсіз.

Қазақстан құрамасы іріктеуді сенімді жеңіспен бастап, келесі матчтарға жоғары дайындықпен шықты.

Мұратбекқызы  Нуризат