Қазақстан халықаралық банктерден 15 жылға қарыз алмақ

Қазақстан ұлттық экономиканың тұрақтылығын қолдау мақсатында халықаралық қаржы институттарынан 105 миллиард иен көлемінде қарыз алуды жоспарлап отыр, деп мәлімдеді Мәжіліс отырысында депутат Татьяна Савельева.

Алғашқы келісім аясында ел 52,3 миллиард иен көлемінде Азия Даму Банкінен (АДБ) қарыз алады. Бұл қарыздың өтеу мерзімі 15 жылды құрайды, оның ішінде 2027 жылдың 1 маусымына дейін жеңілдетілген кезең қарастырылған.

Екінші келісімге сәйкес, Қазақстан Азия Инфрақұрылымдық Инвестициялар Банкінен (АИИБ) 52,7 миллиард иен мөлшерінде қарыз алады. Бұл қарызды өтеу шарттары да ұқсас — 15 жыл және 2027 жылдың 1 маусымына дейін жеңілдетілген кезең қарастырылған.

Алынған қаражат ел экономикасының тұрақтылығын қамтамасыз етуге және тұрақты өсуді қолдауға бағытталады.