Қазақ тілін менсінбеген "Qazaq Coffee" жабылды

Астанада қазақ тілінде мәзір ұсынудан бас тартқан "Qazaq Coffee" кофеханасы жабылды.

Кофехана орналасқан ғимараттың иесі Жәнібек Оңғарбаев мекеменің жұмысы тоқтағанын растады. 

"Бизнес жабылды, ғимарат бос тұр, ал мен жалға алушысыз қалдым. 5 қаңтардан бастап ғимарат маған қайта өтті," – деді ол өзінің Instagram парақшасында.

Оқиғаға келсек, бір тұтынушы кофехананың қазақ тіліндегі мәзірі жоқ екенін айтып шағым қалдырған. Бұған жауап ретінде мекеме өкілі қызметкерлердің қазақ тілінде сөйлеуге міндетті емес екенін айтқан.

Оның жауабын қоғам теріс қабылдап, әлеуметтік желі қолданушылары мекемені сынға алды. Олар кофехананы қазақ тіліне құрметсіздік танытқаны үшін айыптап, рейтингін төмендетіп, бойкот жариялауға шақырды.