«Қайрат» қақпашысы Анарбеков «Олимпиакосқа» қарсы кездесудің үздік ойыншысы атанды

Астанада өткен Чемпиондар лигасының матчында «Қайрат» қақпашысы Темірлан Анарбеков өз шеберлігін тағы бір мәрте дәлелдеп, ойынның үздік футболшысы атанды. Ол «Олимпиакоспен» болған кездесуде сегіз қауіпті соққыны қайтарып, командасын ірі есепті жеңілістен сақтап қалды.

Sports.kz мәліметінше, осы нәтижеден кейін Анарбеков турнир қақпашыларының жалпы рейтингінде үшінші орынға көтерілді. Оның еншісінде қазір 26 сейв бар. Одан жоғары тек:

• Никита Хайкин («Будё-Глимт») — 31 сейв,
• Херонимо Рульи («Марсель») — 29 сейв.

УЕФА қазақстандық қақпашының ойынын ерекше атап өтті.

«Анарбековтың бірнеше сейві айып алаңынан бағытталған соққылардан кейін жасалды. Оның реакциясы болмаса, «Олимпиакос» есепті әлдеқайда ірі айырмашылыққа жеткізуі мүмкін еді», — деп жазды УЕФА.

9 желтоқсанда өткен ойында «Олимпиакос» осы маусымдағы алғашқы жеңісіне қол жеткізді. Ал «Кайрат» Чемпиондар лигасының жалпы кезеңінде бесінші рет ұтылды. Соған қарамастан, Анарбековтың ойыны жанкүйерлер мен сарапшылар тарапынан жоғары бағасын алды.

Қақпашы турнирдің жалпы кезеңінде төрт матчқа қатысып үлгерді.