Қай құқық қорғау органдарының қызметкерлеріне тұрғын үй төлемі беріледі?

Үкімет қаулысымен құқық қорғау органдары мен азаматтық қорғау органдарының бірқатар лауазымдары тұрғын үй төлемдерін алатындар санатына енгізілді. Бұл туралы ҚазАқпарат хабарлады.

Төлемдер төмендегі құрылымдарға қарасты қызметкерлерге қатысты болады:

• – Қазақстан Республикасының Бас прокуратурасының орталық аппараты мен оның комитеттері (құқықтық статистика, активтерді қайтару және т.б.);

• – Қаржылық мониторинг агенттігінің орталық және аумақтық органдары;

• – Төтенше жағдайлар министрлігінің орталық аппараты, комитеттері және облыстық, қалалық ТЖ бөлімдері;

• – Ішкі істер министрлігінің орталық аппараты, қылмыстық-атқару жүйесі, есірткі қылмысына қарсы іс-қимыл комитеттері, сондай-ақ облыстардағы, республикалық маңызы бар қалалардағы және астанадағы полиция департаменттері.

Арнайы бөлімшелердің қызметкерлері де бұл тізімге кіреді:

• – «Арлан» арнайы жасағы;

• – Жедел әрекет ету арнайы отрядтары;

• – Кинологиялық қызмет орталықтары;

• – Патрульдік полиция, конвой қызметі, пойыздарды алып жүру батальоны;

• – Уақытша ұстау изоляторлары, арнайы қабылдағыштар, қабылдау-бөлу орындары және т.б.

Дегенмен тұрғын үй төлемдері кейбір лауазымдарға қолданылмайды. Атап айтқанда, тіл саясаты, БАҚ-пен байланыс, құжаттамалық қамтамасыз ету, кадр, қаржы, цифрландыру, материалдық-техникалық қамтамасыз ету саласына жауапты қызметкерлер бұл тізімнен тыс қалды.

Қаулы 2025 жылдың 7 қазанынан бастап күшіне енеді.