$ 540.78 € 618.65 ₽ 6.71

Қарсыласы тістеп алған: қазақстандық боксшы дау туғызған жекпе-жектен соң Азия чемпионы атанды

Редакция
13 желтоқсан 2024 02:56 2197
Қарсыласы тістеп алған: қазақстандық боксшы дау туғызған жекпе-жектен соң Азия чемпионы атанды Сурет авторы: olympic.kz

Қазақ боксшысы Абылайхан Жүсіпов Өзбекстандық Хавасбек Асадуллаевтан жеңілісінен кейінгі аппеляциядан соң Азия чемпионы атанды. Бұл туралы Қазақстан бокс федерациясы хабарлады.

Тайландтың Чиангмай қаласында өткен Азия чемпионатының 71 келі салмақ дәрежесінде финалда Жүсіпов төрешілердің шешімімен Асадуллаевқа жол берген болатын. Алайда жекпе-жектен кейін боксшының жұбайы қарсыластың Абылайханды тістегенін айтты. Бұл сәт бейнетүсірілімге жазылып қалған.

Осыдан кейін ҚБФ IBA-ға (Халықаралық бокс ассоциациясы) аппеляция түсіріп, жекпе-жек нәтижесі қайта қаралды. Нәтижесінде жеңіс Жүсіповке берілді, ал Асадуллаев уақытша жарыстардан шеттетілді.

27 жастағы Абылайхан Жүсіпов үшін бұл алтын медаль Азия чемпионаттарындағы алғашқысы болды. Бұған дейін ол 2017 және 2021 жылдары күміс жүлдеге ие болған.

Соңғы жаңалықтар