Қарағандыда сусыз қалған аудандардың толық тізімі жарияланды

Қарағанды қаласындағы су құбыры желілерінде орын алған ірі апатқа байланысты тұрғын үй алаптары мен әлеуметтік нысандарда ауыз су беру уақытша тоқтатылды, деп хабарлайды ҚарағандыСу. «Қарағанды Су» ЖШС мамандары қазіргі уақытта апат салдарын жою бойынша шұғыл жұмыстар жүргізуде.

Аталған техникалық ақаудың салдарынан қаланың бірқатар аудандарында су беру шектелді:

Тұрғын үй секторы: 11а, 12, 13, 14, 18, 19 шағын аудандар, 11-квартал, «Восток-1», «Восток-2», «Восток-3» шағын аудандары, сондай-ақ К. Маркс көшесі (3, 5, 7 үйлер) және Шахтерский шағын ауданының жекелеген үйлері.

Көшелер: Апат аймағына Ашық, К. Либкнехт, Магнитогорская, Белинский, Щорса, Соревнования, Крупская, Технологиялық, Октябрьская, Люксембург, Ынтымақ, Петрозаводская, Чапаев, Железноводская, Мурманская, Актюбинская, Винницкая көшелері және бірқатар тұйық көшелер (Жемчужный, Аксайский, Авроры, Мирный, Авангардный, Акмолинский) кіреді.

Әлеуметтік және стратегиялық нысандар: Су беру шектеуі балалар ауруханасы, гемодиализ орталығы, балалар үйі, №4 және №6 мектеп-интернаттары, сондай-ақ «Сарыарқа Нан» нан зауыты, YDD зауыты, «Сарыарқа» АЭА, №5154 әскери бөлімі және «Зеленая балка» әскери бөлімі сынды маңызды нысандарға қатысты қолданылды.

Қазіргі уақытта апаттың нақты себептері анықталуда және жөндеу жұмыстарының кестесі пысықталуда. Сумен жабдықтау жүйесін қалпына келтіру бойынша қосымша ақпарат ресми дереккөздер арқылы хабарланатын болады.

«Қарағанды Су» ЖШС туындаған қолайсыздықтар үшін кешірім сұрайды және халықты сабыр сақтауға шақырады.