$ 469.52 € 553.75 ₽ 6.15

Камчаткада тағы да жер сілкінді

Абдрахманов Мағжан
31 шілде 2025, 09:48
Камчаткада тағы да жер сілкінді Сурет авторы: t.me/ eqkam

31 шілде күні Камчатка жағалауында Тынық мұхитында тағы бір жер сілкінісі тіркелді. Бұл туралы Ресей ғылым академиясының Біріккен геофизикалық қызметінің Камчатка филиалы Telegram-арнасында хабарлады.

Жер сілкінісінің магнитудасы 6,3 балл болды. Эпицентр Петропавловск-Камчатский қаласынан 178 шақырым шығысқа қарай, ал кіндігі 39,4 шақырым тереңдікте болған.

Сейсмологтар бір ғана түн ішінде 200-ден астам афтершок (қайталама сілкініс) тіркеген.

1952 жылдан бергі ең жойқын зілзала

Еске салайық, 30 шілдеде Камчаткада соңғы 70 жылдан бергі ең жойқын жер сілкінісі болды. Геофизикалық қызмет мәліметінше, оның магнитудасы 8,7-ге жеткен. АҚШ Геологиялық қызметі бұл көрсеткішті 8,8 деп бағалады. Жер сілкінісінің кіндігі жағалаудан 136 шақырым жерде, 19,3 шақырым тереңдікте орналасқан.

Цунами мен вулкан атқылады

Солтүстік Курил аралдарында зілзаладан кейін цунами тіркеліп, толқындар 200 метрге дейін ішке енген. Петропавловск-Камчатскийде төтенше жағдай режимі жарияланды. Ал Камчатка өлкесінде губернатор шешімімен жоғары дайындық режимі енгізілді.

Сонымен қатар Еуразиядағы ең биік белсенді вулкан – Ключевской (биіктігі 4754 м) да атқылап жатыр. Ғалымдар оның жасы 7 мың жыл деп болжайды.

#Камчаткадағы жер сілкінісі #Жер сілкінісі #Зілзала #Цунами

Соңғы жаңалықтар