Қалыңмал мәһірге санала ма? ҚМДБ жауап берді

Қазақстан мұсылмандары діни басқармасы қалыңмалдың мәһір болып саналатыны не саналмайтынына қатысты Ғұламалар кеңесінің шешімін жариялады. Шешімге сәйкес: 

1. Күйеуі тарапынан берілетін қалыңмалды қыздың разылығымен мәһірге жатқызуға және артынан алып баратын жасауына пайдалануға болады.
2. «Әке еңбегі», «ана сүті» секілді қыздың әке-шешесіне, туыстарына берілетін мал-мүлік (кәдесый, т.б.) мәһірге жатпайды.

"Қалыңмал берілмейтін өлкелерде неке қию барысында мәһірді белгілеуі тиіс. Мәһір белгіленбеген жағдайда некесі дұрыс болады. Бірақ күйеуі мәһір-мисл береді", – делінген хабарламада.