Израиль билігі Газаға қарсы тағы бір жоспарын бекітті

Израильдің қауіпсіздік-саяси кабинеті премьер-министрі Биньямин Нетаньяху Газа қаласын әскери бақылауға алу жоспарын мақұлдады. Бұл шешім екі жылдан астам уақытқа созылған қақтығыс аясында қабылданып отыр, деп хабарлайды Reuters

Нетаньяху мәлімдемесінде Израильдің мақсаты – Газа секторында толық әскери бақылау орнату, бірақ аймақты ұзақ мерзімді басқару жоспарда жоқ екенін айтты. Оның сөзінше, болашақта бұл аумақты араб күштері басқаруы мүмкін.
Жоспарға сәйкес, Газа тұрғындарының бір бөлігін эвакуациялау және қаладағы ХАМАС инфрақұрылымын әлсірету үшін ауқымды құрлық операциясы жүргізілуі ықтимал.

Бірақ Израиль армиясының басшысы Эйял Замир бұл жоспар қауіпті болуы мүмкін екенін айтты. Оның сөзінше, операция кезінде тұтқындарға да, әскерге де зиян келуі ықтимал. Дегенмен, ол бәрібір үкіметтің бұйрығын орындайтынын жеткізді.

Халықаралық қауымдастықта бұл бастамаға қатысты сын пікірлер айтылып жатыр. Австралия билігі Израильді Газаға әскери бақылау орнатпауға шақырды. Ал гуманитарлық ұйымдар аймақтағы ашаршылық, жаппай көші-қон және тұтқындар тағдырына алаңдаулы.

Автор: Рахат Жора