Инфляция бір жарым жылда алғаш рет 10%-дан төмендеді

2026 жылғы тамызда Қазақстандағы жылдық инфляция 9,8% болды. Бұл бір жарым жылға жуық уақыттан кейін көрсеткіштің алғаш рет 10%-дан төмен түсуі.

Шілдеде жылдық инфляция 10,2% болған. Ал айлық инфляция тамызда шілдедегі деңгейде сақталып, 0,6%-ды құрады.

Жыл басында, қаңтарда, инфляция 12,2% болған еді. Содан бері көрсеткіш ай сайын біртіндеп төмендеп келеді.

Инфляция соңғы рет 2025 жылғы ақпанда 10%-дан төмен болған. Ол кезде көрсеткіш 9,4%-ды құрады. Наурызда инфляция 10%-ға жетіп, кейін біртіндеп өсіп, қыркүйекте 12,9%-ға дейін көтерілген.

Содан бері жылдық инфляция қайтадан тұрақты түрде төмендеп келеді.