Илон Масктің саяси қызметі Tesla беделіне кері әсер етті

Tesla көліктеріне қызығатын адамдардың саны азайып жатыр. Бұған компания басшысы Илон Масктың АҚШ президенті Дональд Трампты ашық қолдауы себеп болған, деп хабарлайды reuters.com

2024 жылдың ортасында Tesla көлігін сатып алған адамдардың 73%-ы оны қайта алуға дайын болған. Бірақ Масктың саяси көзқарасы өзгергеннен кейін бұл көрсеткіш 50%-ға дейін төмендеп кетті. Яғни адамдар Tesla-дан басқа көліктерге көшіп жатыр.

Қазір тұтынушылар Rivian, Polestar, Porsche және Cadillac сияқты брендтерді таңдай бастаған. Сарапшылардың айтуынша, Масктың саясатқа араласуы мен компанияның жаңа модельдерді шығармауы — басты себеп.

Tesla компаниясы бұл жағдайға қатысты пікір білдірмеді. Бірақ жуырда Маскқа 29 миллиард доллар көлемінде бонус бекіткен.