“Хуторлық” Хасан қанша жылға сотталғаны белгілі болды

Талғар аудандық соты Қасымбаевты адам ұрлау, ауыр дене жарақатын келтіру және қорқытып ақша алу баптары бойынша кінәлі деп таныды. Сонымен қатар іс бойынша тағы бес адам жауапқа тартылған. Жәбірленушілер – ММА спортшысы Арман Алимов пен кәсіпкер Арипжан Тажиев.

Қасымбаев сотта өзіне тағылған айыптарды мойындамады. Ол істің артында қоғамдық қысым мен резонанс тұрғанын айтып, өзін «кінәлі етіп тағайындағанын» жеткізді.

Ол өзін ұйымдасқан қылмыстық топтың басшысы ретінде мойындамады. Оның айтуынша, «Хуторлық» банда туралы әңгімелерді дәлелсіз таратып жүрген – Алимов.

Сот шешім шығарардан алдын Қасымбаев әйнекті сындырып, мінез көрсетіп, журналситерді сот залынан шығаруды талап еткен. Сот оның өтініш қабыл алып, тілшілерді залдын шығарған.

Сот Хасан Қасымбаевты адам ұрлау, ауыр дене жарақатын келтіру және қорқытып ақша алу баптары бойынша кінәлі деп танып, 12 жылға соттады.