$ 446.56 € 512.34 ₽ 5.3

Гонконг тұмауы қалай басталады: дәрігер белгілерін түсіндірді

Редакция
17 желтоқсан 2025, 09:55
Гонконг тұмауы қалай басталады: дәрігер белгілерін түсіндірді Сурет авторы: dailymail
Гонконг тұмауын науқаста инфекцияның кенеттен басталып, дене қызуының күрт жоғарылауы және қалтыраудың пайда болуынан байқауға болады. Бұл туралы РИА Новости агенттігіне медицина ғылымдарының кандидаты Светлана Вахрушева  айтты.
 
Дәрігердің айтуынша, гонконг тұмауының белгілері тұмаудың басқа түрлерінен айтарлықтай ерекшеленбейді: инфекция тез басталып, дене қызуы 38 градустан жоғары көтеріліп, адам қалтырай бастайды, бұлшық еттер мен буындар сырқырайды, қатты бас ауырады, көзді қозғағанда ауырсыну сезілуі мүмкін, кей жағдайда құрғақ жөтел пайда болады.
 
Бұған дейін дәрігер Елена Хегай гонконг тұмауы (H3N2) жыл сайын әлем бойынша таралатын маусымдық штаммдардың бірі екенін түсіндірген. Бұл тұмау түрі қауіп тобына жататын адамдарда — қарттарда, жүкті әйелдерде және созылмалы аурулары бар науқастарда — асқыну қаупін сәл арттырады.
 
H3N2 тұмауы өзінің ауыр өтуімен бұрыннан белгілі: 1968–1970 жылдары болған гонконг тұмауының алғашқы пандемиясы әлем бойынша түрлі бағалауларға сәйкес 1–4 миллион адамның өмірін қиған.
 
Қазақстанның денсаулық сақтау министрі Ақмарал Әлназарованың айтуынша, қарапайым сақтық шараларын сақтау жұқтыру қаупін едәуір төмендетеді. Ол адамдар көп жиналатын орындарға баруды шектеуді, бөлмелерді жиі желдетуді, қолды антисептикпен немесе дезинфекциялық майлықтармен өңдеуді, сондай-ақ ЖРВИ мен тұмау белгілері байқалған жағдайда балаларды үйде қалдырып, мектеп пен балабақшаға жібермеуді ұсынды.
#Гонконг тұмауы #Тұмау белгілері #Денсаулық #Медицина #Вирус #H3N2 #Дәрігер кеңесі #Эпидемиология #Суық тию #Аурудың алдын алу

Соңғы жаңалықтар