Газа тұрғындары Қазақстанға көшірілмейді – Сыртқы істер министрлігі

Қазақстанның Сыртқы істер министрлігі Газа секторынан адамдарды елімізге көшірейін деп жатқаны жөніндегі ақпараттың жалған екенін мәлімдеді.

Журналистер СІМ ресми өкілі Айбек Смадияровтан бұл мәліметтің рас-өтірігін сұрады.

– Бұл – шындыққа жанаспайтын, жалған ақпарат. Мұндай фейкті кім таратып жүргенін білмеймін, бірақ ол біреуге тиімді болса керек, – деді Айбек Смадияров.