Футзалдан Әлем чепионаты: Бүгін Қазақстан ширек финалда Аргентинамен кездеседі

Бүгін Өзбекстанда өтіп жатқан футзалдан Әлем чемпионатының ширек финалында Қазақстан мен Аргентина құрамалары кездеседі.

Матч Ташкентте өтеді. Астана уақытымен 20:00-де басталады. Ойынды Qazsport телеарнасы тікелей эфирден көрсетеді.

Қазақстан топтық кезеңнен екінші орынмен шығып, 1/8 финалда Португалияны жеңіп, сенсация жасады. Ал Аргентина топтық кезеңде топ жарып, 1/8 финалда Хорватиядан басым түсті.

Қос құрама чемпионат алдында жолдастық кездесу өткізген еді. Онда Қазақстан 3:2 есебімен ұтқан. Ал оған дейін 2016 жылы өткен Әлем чемпионатының топтық кезеңінде ойнап, Аргентина 1:0 есебімен жеңген. Бүгін екі ел жартылай финалға жолдаманы сарапқа салмақ.