Футболдан Қазақстан құрамасына жаңа бас бапкер келеді

Қазақстан футбол федерациясы Нидерланд маманы Джон ван ’т Шкиппен ұлттық құраманың бас бапкері ретінде жұмыс істеу жөнінде келісімге келді. Бұл туралы ҚФФ хабарлады.

Алайда маман әзірге ресми түрде тағайындалған жоқ. Оның кандидатурасын федерация жарғысына сәйкес ҚФФ Атқарушы комитеті мақұлдауы керек. Комитет отырысынан кейін бапкермен келісімшартқа қол қою жоспарланған.

Джон ван ’т Шкип футболшы кезінде Амстердамның «Аякс» және Италияның «Дженоа» клубтарында ойнаған. Нидерланд құрамасының сапында 1988 жылы Еуропа чемпионы атанды.

Бапкерлік жолын «Аякс» жүйесінде бастаған маман кейін осы клубтың бас бапкері болды. Сондай-ақ «Твенте», «Зволле», мексикалық «Гвадалахара» және аустралиялық «Мельбурн Сити» клубтарын жаттықтырды. 2016 жылы «Мельбурн Ситимен» Аустралия кубогын жеңіп алды. Ұлттық құрамалар деңгейінде Грекия мен Арменияны басқарған.

Қазақстан құрамасының бапкерлер құрамы да жасақталды. Бас бапкердің көмекшілері – Нұрбол Жұмасқалиев пен Елдос Ахметов, қақпашылар бапкері – Юрий Новиков, дене даярлығы бапкері – Вадим Боровский, сарапшы бапкер – Тимур Құсайынов.