Футболдан әлем кубогының жеңімпаздары алтын сақинамен марапатталады

Халықаралық футбол федерациясы (ФИФА) 2026 жылғы әлем чемпионатының жеңімпаздары үшін жаңа дәстүр енгізді. Алғаш рет триумфаторларға арнайы чемпиондық сақиналар табысталады.

Бұл бастама Американың НХЛ, НБА және НФЛ секілді ірі спорттық лигаларындағы дәстүрге негізделген. Қолмен жасалған әрбір сақинаның бір жағында Әлем кубогының бейнесі, екінші жағында жеңімпаз команданың символикасымен безендірілген.

Финалдан кейін команда капитаны мен бас бапкеріне естелік ретінде уақытша сақиналар беріледі, ал жеке өлшемге сай арнайы сақиналар кейінірек табысталады. Әлем чемпионатынан жеңімпаз командаға 30 сақина сыйға тартса, жанкүйерлер мен коллекционерлер үшін қосымша 1996 данасын сатылымға шығарады. Әрбір бұйымға жеке нөмір беріледі, ал бағасы әзірге жарияланбады.

Сонымен қатар 2026 жылғы әлем чемпионатының жүлде қоры рекордтық көрсеткішке жетті. ӘЧ жалпы 1,25 миллиард доллар бөлді. Оның ішінде, матчтардағы жеңістер үшін берілетін бонустарды есептемегенде, чемпион атанған құрама 50 миллион доллар көлемінде сыйақы алады.

Еске сала кетейік, әлем чемпионатының финалдық кездесуі 20 маусымға қараған түні Нью-Йоркте, ал үшінші орын үшін талас 19 маусымда Майамиде өтеді.