FlyArystan Ыстықкөлге рейстер ашты: Астана мен Алматыдан билет бағасы қанша?

Қазақстандық FlyArystan лоукостері жазғы маусымда Астана мен Алматы қалаларынан Ыстықкөлге тікелей рейстердің іске қосылатынын жариялады. Әуе компаниясының баспасөз қызметі хабарлағандай, ұшақтар Тамшы әуежайына аптасына екі рет қатынайды.

Астанадан рейстер 3 шілде мен 31 тамыз аралығында дүйсенбі және жұма күндері орындалады. Ұшақ елордадан сағат 07.30-да ұшып, Ыстықкөлге жергілікті уақытпен 10.45-те қонады. Кері бағыттағы рейс 12.00-де басталып, Астанаға 13.20-да жетеді. Бір бағытқа билет құны 36 976 теңгеден басталады.

Алматыдан маусымдық рейстер 18 маусым мен 30 тамыз аралығында бейсенбі және жексенбі күндері жүзеге асырылады. Оңтүстік астанадан ұшу уақыты – 16.15, Ыстықкөлге қону – 18.10. Кері қайту рейсі Тамшыдан 19.10-да ұшып, Алматыға дәл сол уақытта, яғни 19.10-да (уақыт белдеуіне байланысты) келеді. Билет бағасы 23 739 теңгеден басталады.

Айта кетейік, Тамшыдағы уақыт Қазақстан уақытынан бір сағат алда.