Fly Arystan үндістандық Air India ұшағымен соқтығыса жаздады

Мумбай әуежайында FlyArystan ұшағы үндістандық Air India ұшағымен соқтығыса жаздады, деп хабарлайды qrnews.kz тілшісі үндістандық The Hindu сайтына сілтеме жасап.

22 ақпанда қазақстандық әуе компанияның Мумбай-Алматы бағытында ұшқан Airbus A320 ұшағы ұшу жолағын шатастырып, Дохаға ұшуға бет алған Air India ұшағының жолағына шығып кеткен. Air India ұшағы тоқтап үлгеріп, соқтығыстың алдын алды. Оқиға үндістандық тасымалдаушының рейсінің бір сағатқа кешігуіне әкелді. 

Аталған факті бойынша тергеу амалдары жүріп жатыр.

Fly Arystan баспасөз қызметі оқиға болғанынан хабардар екенін мәлімдеді.

"Fly Arystan компаниясының Мумбай – Алматы бағытындағы KC7858 ұшағымен болған жағдайдан хабардармыз. Әуе компаниясы Чатрапати Шиваджи атындағы халықаралық әуежайымен бірге жағдайға не себеп болғанын анықтау үшін жұмыс істеп жатыр", -  делінген әуе компаниясы таратқан хабарда.