$ 447.88 € 516.58 ₽ 5.29

EXPOGOODS CENTRAL ASIA: 200-ден астам компания бір алаңда бас қосты

Сапарғали Қанат
11 маусым 2025, 16:01
Астана EXPO орталығында өткен халықаралық EXPOGOODS CENTRAL ASIA көрме-форумы Орталық Азияның сауда-көлік хабы ретіндегі рөлін айқын көрсетті. 200-ден астам компания қатысқан іс-шарада әлемнің тоғыз елінен келген бизнес өкілдері жаңа нарықтарға шығу жолдарын талқылап, іскерлік байланыстар орнатты.
EXPOGOODS CENTRAL ASIA: 200-ден астам компания бір алаңда бас қосты Сурет авторы: gov.kz

Көрмеге Иран, Пәкістан, Қытай, Үндістан, Еуропа және ТМД елдерінен келген 200-ден астам компания қатысып, азық-түлік, косметика, тұрмыстық химия, жабдықтар мен қызметтерін таныстырды. Қатысушылар арасында экспортты кеңейту, жаңа серіктестер табу – басты мақсат.

Іс-шара аясында Astana International Trade Forum өтті. Форумда Қазақстан, Иран, Қытай және Пәкістан өкілдері сөз сөйлеп, Орталық Азияның экономикалық әлеуеті мен электрондық сауда, логистика, агросектордағы мүмкіндіктерін атап өтті.

Орталық Азия – 80 млн халқы бар нарық. Қазақстан — Батыс пен Шығыстың тоғысындағы сауда хабы. Елдер арасындағы тауар айналымы 7,6 миллиард АҚШ долларын құрады. Ал онлайн сауда көлемі 2 млрд доллардан асты», – деді ҚР Сауда министрі Арман Шаққалиев.

Қытай елшісі Хань Чуньлинь 2024 жылы Қытай–Қазақстан арасындағы сауда көлемі 43,8 млрд доллар болғанын айтты. Ал Пәкістан елшісі Науман Башир Бхатти Қазақстанды аймақтағы электронды сауданың көшбасшысы деп атады.

Сонымен қатар, форум аясында 200-ден астам компания – бір алаңда бас қосты. Атап айтқанда, көрмеде тамақ өнімдері, сусындар, биоқоспалар, тұрмыстық химия, косметика, гигиена құралдары, интерьерге арналған тауарлар, тұрмыстық техника және қонақ үй индустриясына арналған жабдықтар мен өнімдер ұсынылуда. Сонымен қатар, қаржы, логистика және бизнеске арналған қызметтер бойынша ақпараттар да қолжетімді.

EXPOGOODS CENTRAL ASIA осы бағытта Орталық Азия, ТМД, Таяу Шығыс пен Еуропа елдері арасындағы экономикалық байланысты нығайтатын жаңа алаң ретінде бағаланып отыр.

#Арман Шаққалиев #Сауда министрлігі #EXPOGOODS CENTRAL ASIA

Соңғы жаңалықтар