Ең қымбат футбол шоуы: 2026 жылғы әлем чемпионатынан кім және қанша табыс табады?

FIFA мен Дүниежүзілік сауда ұйымының сараптамалық деректеріне сәйкес, 2026 жылы АҚШ, Канада және Мексикада өтетін әлем чемпионатының жаһандық экономикаға жалпы әсері 80 миллиард доллардан асады деп болжануда. Турнир туризм, көлік-логистика, бөлшек сауда және қызмет көрсету салаларының қарқынды дамуына мультипликативті әсер береді.

Биылғы дода алғаш рет кеңейтілген форматта (48 құрама, 104 матч) 16 қалада ұйымдастырылады. Негізгі экономикалық үлес келесі көрсеткіштерден құралады:

• Жанкүйерлер шығыны: 6,5 миллион туристің болжамды шығыны 13,9 миллиард долларды құрайды.

• Жұмыспен қамту: Шара аясында 824 мың тұрақты жұмыс орнының ашылуы күтілуде.

• ЖІӨ-ге қосылатын үлес: Әлемдік жалпы өнімге 40,9 миллиард доллар көлемінде қосымша құн қосылады.

 АҚШ экономикасы турнирдің негізгі бенефициары ретінде 17,2 миллиард доллар табыс тауып, 185 мың жаңа жұмыс орнын ашады деп жоспарлануда. Турнир 11 маусымда Мехикода басталып, 19 шілдеде Нью-Джерсидегі финалдық матчпен аяқталады.