Енді жеке деректеріңізді кім қолданып жатқанын біле аласыз

eGov мобильді қосымшасына азаматтардың жеке деректерінің интернетке таралып кеткенін тексеруге мүмкіндік беретін жаңа функция енгізіледі, деп хабарлайды Qrnews тілшісі tengrinews–ке сілтеме жасап.

"ЭЦҚ арқылы жүйеге кіргенде, сіздің ЖСН, аты-жөніңіз және мобильді азаматтар базасындағы деректеріңіз, соның ішінде электрондық поштаңыз тексеріледі. Егер деректердің таралуы анықталса, сізге 1414 нөмірінен хабарлама келеді, сондай-ақ eGov Mobile қосымшасы арқылы ескерту жіберіледі", – деп мәлімдеді Web-Totem компаниясының директоры Руслан Тургельдинов Орталық коммуникациялар қызметіндегі брифингте.

Қазіргі таңда жаңа функцияның сынақтан өтуде. Жақын арада ол eGov қосымшасында қолжетімді болып, кез келген азамат өз деректерінің қауіпсіздігін тексере алады.