Енді патрульдік полиция жүргізушілердің жеке деректерін тексере алмайды

Қазақстанда жүргізушілердің жеке мәліметтерін патрульдік полиция қызметкерлері өз бетімен тексере алмайтын жаңа тәртіп енгізілді. Бұл туралы Kolesa.kz сайтына Бас прокуратураның Құқықтық статистика және арнайы есеп комитеті хабарлаған.

Комитеттің мәліметінше, Әкімшілік істердің бірыңғай тізілімін (ӘІБТ) пайдалану жүйесі өзгертілді. Енді патрульдік қызметкер жүйеге жүргізушінің ЖСН-ін енгізген сайын, ол туралы барлық ақпарат автоматты түрде базаға сақталады және оны өшіруге немесе жоюға мүмкіндік болмайды.

Бұл өзгеріс жүргізушілердің жеке деректерін заңсыз қарау туралы шағымдар көбейгеннен кейін енгізілген.

«Бұған дейін кейбір полицейлер ЕРАП арқылы азаматтардың тұрғылықты мекенжайы, жұмыс орны мен телефон нөміріне дейінгі деректерін көре алатын. Енді мұндай мүмкіндік шектелді», – деп түсіндірді комитет.

Жаңа ережеге сәйкес, патрульдік инспектор жол қозғалысы ережесін бұзу фактісі нақты анықталған жағдайда ғана жүйеге кіріп, хаттама толтыруға немесе айыппұл рәсімдеуге құқылы.