$ 499.65 € 582.89 ₽ 6.47

"Енді онымен ешкім жекпе-жек өткізуге келіспейді": Белгілі бапкер Жәнібек Әлімханұлы жайында

Абдрахманов Мағжан
05 желтоқсан 2025 10:29 218
"Енді онымен ешкім жекпе-жек өткізуге келіспейді": Белгілі бапкер Жәнібек Әлімханұлы жайында Сурет авторы: No Limit boxing

Қазақстанның еңбек сіңірген спорт шебері Жұмабек Өмірзақов допинг дауына іліккен Жәнібек Әлімханұлына қатаң пікір білдірді. Бұл туралы sportarena.kz жазды. Айта кетейік, чемпионның VADA талдамасы оның ағзасынан 2016 жылдан бері тыйым салынған мелдоний препаратын анықтаған.

Өмірзақовтың айтуынша, мұндай жағдай Жәнібектің мансабына ауыр салмақ салады.

«Меніңше, Жәнібектің өзі мұндайға барды деу қиын. Командасынан біреу кеңес берген болуы мүмкін. Себебі ол Ларамен 12 раундтық айқасқа дайындалып жатқанын білді. Кубалықтардың техникасы бөлек, Лара 42 жасында да жылдам, тәжірибелі. Жәнібек толық дистанцияға шыдамайтынын түсінді. Сол себепті мелдоний қабылдаған сияқты. Енді онымен ешкім жекпе-жек өткізуге келіспейді. Өзінің мансабына өзі нүкте қойған сияқты», – деді маман.

Ал Жәнібек Әлімханұлы мен оның командасы жағдайға қатысты мәлімдеме жасап, препараттың ағзаға қалай түскенін білмейміз деп отыр. Олар қайта тексеру жүргізуді сұрап, ресми шешімді күтіп жатқанын жеткізген.

Жәнібектің Эрисланди Лараға қарсы үш белбеу сарапқа салынатын жекпе-жегі дәл осы допинг дауының салдарынан тоқтатылды.

#Жәнібек Әлімханұлы #Бокс #Допинг #Бапкер #Жұмабек Өмірзақов

Соңғы жаңалықтар