Енді мемлекет есебінен үй жөндетіп, лифтіні ауыстыруға болады

Үкімет "кондоминиум объектілерінің ортақ мүлкіне күрделі жөндеу жүргізу" үшін облыстық бюджеттерге берілетін қаражат сомасын бекітті, деп 

Көп қабатты тұрғын үйлерді бюджеттік қаржы есебінен жөндеу үшін 2024 жылы 13 миллиард 824,5 миллион теңге жұмсалады.

Дегенмен, бұл бағдарламада тек 7 өңір қамтылған. Бюджеттік ақша:

•       Жамбыл облысы– 5 млрд 968 млн теңге;
•       Қызылорда облысы– 2 млрд 111,3 млн теңге;
•       Түркістан облысы– 1 млрд 673,5 млн теңге;
•       Атырау облысы– 1 млрд 337,6 млн теңге;
•       Ақтөбе облысы– 1 млрд 70,7 млн теңге;
•       Батыс Қазақстан облысы– 879,2 млн теңге;
•       Павлодар облысы– 784,1 миллион теңге.

2023 жылы осы бағдарламаға республикалық бюджеттен 2 млрд 435,6 млн теңге бөлінген.

Бұл қаражаттар тек қалалықтарға, соның ішінде меншік иелері бірлестіктері (ОСИ), жай серіктестіктер арқылы көп пәтерлі тұрғын үйлерді жөндеуге беріледі.

Әкімдіктер кредиттердің игерілуі және не істеліп жатқаны туралы әр ай сайын Қаржы, Құрылыс министрліктеріне есеп беріп тұрады.

Бұрын жөндеу, реставрациялау және құрылыс жұмыстарын жүргізетін компанияларды әкімдіктер анықтап, таңатын. Оның қызметі мен материалдарының бағасы тіпті нарықтағыдан қымбат болып, дау туындап жататын. Бүгінде тұрғындарда таңдау құқығы пайда болды.

Өйткені көппәтерлі тұрғын үйге күрделі жөндеу жүргізетін мердігер ұйымды әрбір МИБ-тің Үй кеңесі өз бетінше таңдайды. Әкімдіктің оператор сол мердігермен жұмыс істейді.

Үй кеңесіне күрделі жөндеуге арналған ақшаның нысаналы жұмсалуына мониторинг жүргізу құзыры берілді.

Ақпарат: inbusiness.kz