Енді әкімдіктер де айыппұл салады: Көшеге қоқыс тастағандарға жаза күшейді

2026 жылғы 2 наурыздан бастап Әкімшілік құқық бұзушылық туралы кодекске енгізілген толықтырулар күшіне енді.

Жаңа ережелерге сәйкес, ӘҚБтК-нің 804-бабына өзгерістер енгізілді. Енді Астана, Алматы, Шымкент қалалары мен барлық облыс әкімдіктері ортақ пайдалану орындарын ластау (434-2-бап) дерегі бойынша әкімшілік хаттамалар толтыруға құқылы.

Бұған дейін бұл функция тек ішкі істер органдарының құзырында болған еді. Енді жергілікті атқарушы органдар саябақтарда, скверлерде және өзге де қоғамдық орындарда тазалық талаптарын бұзғандарға 10 АЕК (43 250 теңге) көлемінде айыппұл салу немесе 40 сағатқа дейін қоғамдық жұмыстарға тарту шараларын қолдана алады. Бұл норма қалалық ортаның санитарлық жағдайын жақсартуға бағытталған.