Еліміздің оңтүстігінде +38°С-қа дейін аптап ыстық күтіледі

«Қазгидромет» 6–8 мамыр аралығындағы ауа райы болжамын жариялады. Синоптиктердің мәліметінше, алдағы күндері Қазақстанның оңтүстік өңірлерінде күн күрт ысиды. Ауа температурасы +38°С-қа дейін жетуі мүмкін.

Орталық аймақтарда ауа +35°С-қа дейін, солтүстікте +29°С-қа дейін жылынады. Тек батыс өңірде салыстырмалы түрде салқын (+26°С) болады.

Үсік пен жауын-шашын күтіледі:
– 6 мамырда Павлодар және Абай облыстарында,
– 6–7 мамырда Шығыс Қазақстанда түнгі және таңғы уақытта үсік болады.

Циклон әсерінен ел аумағында ауа райы тұрақсыз болады:
– 6–8 мамырда батыс, солтүстік-батыс және солтүстік облыстарда,
– 8 мамырдан бастап басқа өңірлерде найзағай, жаңбыр және бұршақ жаууы ықтимал.

Күшті жауын-шашын күтілетін өңірлер:
– 6–7 мамыр – Батыс Қазақстан және Атырау облыстары,
– 7 мамыр – Маңғыстау облысы,
– 7–8 мамыр – Ақтөбе облысы.

Тек Қарағанды облысында жауын-шашынсыз ауа райы сақталады.

8 мамырда республиканың оңтүстік-батысы мен оңтүстік-шығысында шаңды дауыл тұруы мүмкін.