Елімізде жұмыссыздық мәселесі қашан шешілмек?

Соңғы жылдардағы дерекке сүйенсек, елдегі жұмыссыз жүрген жандар қатары көбейді. Статагенттіктердің айтуынша, қарапайым халық жергілікті жұмыспен қамту орталығына барып, ресми тіркелудің орнына жалдамалы жұмысқа ұрынады немесе танысы арқылы жұмысқа орналасуды көздейді екен.

Жұмыссыздықтың 2 басты себеп-салдары бар. Олар:

Бірінші: Президентіміздің айтуы бойынша, қазақстандық жастардың 40%-ы жұмыссыздық проблемасына кезіксе, 51%-ы бизнеске икемі жоқтар немесе ол салаға қызықпайтын адамдар. Ауыл шаруашылығы мен өндірістік өнеркәсіптер негізгі қаражат көзі ретінде фокус болмаған соң, елде жұмыссыздық мәселесі әлі күнге дейін шешімін таппауда.

Екінші: Премьер-министр Олжас Бектенов: “Жыл басынан бері 353000 адам жұмыспен қамтылған, бұл дегеніміз жоспардың 37%-ын ғана құрайды. Бұған басты себеп – техникалық және кәсіби колледж түлектерінің басым көпшілігі өз мамандығы бойынша қызмет атқармайды. Еңбек министрлігіне аталмыш проблемалардың шешімін шығарып, ауқымды жобаларға көңіл аударуын бұйырамын”, – деді ол.

2024 жылғы жоспар бойынша елдегі бір милионнан астам адам жұмыспен қамтылуы тиіс. Жұмыссыздық проблемасы өршіп тұрған елдімекендер Алматы қаласы мен Ақтөбе облысы болып тұр. Бұған дейін 2017-2021 жылдар аралығында жүзеге асырылған “Еңбек” бағдарламасының да аталмыш аймақтарға қатты ықпалы тимеген.

Премьер-министр Олжас Бектенов аймақ әкімдеріне жедел тапсырма беріп, проблеманың шешімін табуды жүктеді.

Автор: Рахат Жора