Елена Рыбакина US Open чемпионы атанды

Қазақстандық теннисші Елена Рыбакина US Open турнирінің жеңімпазы атанды. Ол финалда Беларусь өкілі Арина Соболенконы үш сетте жеңді – 6:4, 5:7, 6:2.

Осылайша Рыбакина биыл екінші Grand Slam турнирінде топ жарды. Қаңтарда ол Australian Open жарысын жеңіп алған. Сол турнирдің финалында да қазақстандық теннисші Соболенкодан үш сетте басым түскен еді.

Рыбакинаның үшінші Grand Slam титулы

US Open-дағы жеңіс Рыбакинаның мансабындағы үшінші Grand Slam титулы болды. Ол алғашқы ірі жүлдесін 2022 жылы Wimbledon турнирінде жеңіп алған.

Енді Рыбакина төрт Grand Slam турнирінің үшеуінде – Wimbledon, Australian Open және US Open жарыстарында жеңімпаз атанды. «Мансаптық Grand Slam» жетістігіне қол жеткізу үшін оған Парижде өтетін Roland Garros турнирін жеңу қажет.

Әлемнің бірінші ракеткасы атанады

US Open қорытындысынан кейін Рыбакина әлемдік рейтингтің бірінші сатысына көтеріледі. Жаңа рейтинг келесі аптада жарияланады.

Ал әлемдік рейтингті 99 апта бойы бастап тұрған Арина Соболенко екінші орынға түседі.