«Ел Дауысы» байқаушылары: референдум заң талаптарына қатаң сай өтті

Астана қаласында «Ел Дауысы» қоғамдық қорының ұйымдастыруымен өткен баспасөз конференциясында 2026 жылғы 15 наурыздағы республикалық референдумның қоғамдық мониторинг нәтижелері жарияланды. Кездесу барысында қор басшысы Аида Жексен ұйымның соңғы алты жылдағы (2020 жылдан бері) тәжірибесіне тоқталып, биылғы науқанның ерекшеліктерін атап өтті. Оның айтуынша, қор осы уақытқа дейін 6 мыңнан астам кәсіби байқаушыны даярлап, еліміздегі барлық деңгейдегі сайлауларға белсенді қатысқан.

Қазақстанның 32 қаласы, оның ішінде 3 мегаполис, барлық облыс орталықтары және Талғар, Қонаев, Степногорск, Риддер секілді стратегиялық маңызы бар шағын қалалар.

2020 жылдан бері қалыптасқан тәжірибелі мамандармен қатар, әлеуметтік желілер арқылы өз еркімен қосылған жаңа белсенділер тобы жұмыс істеді.

Мониторинг учаскелердің ашылу сәтінен бастап, дауыстарды санау және қорытынды хаттамаларды рәсімдеуге дейінгі барлық кезеңді қамтыды. Барлық деректер өңірлік үйлестірушілер арқылы орталық штабқа жедел жолданып отырды.

Қордың алдын ала есебі бойынша, референдум процесі заңнамалық талаптарға сай, ашық әрі тыныш жағдайда өткен.

«Біз азаматтардың саяси жауапкершілігінің артқанын байқадық. Тіркелген жекелеген рәсімдік ескертулер мен сигналдар референдумның жалпы нәтижесіне немесе легитимділігіне әсер ететіндей сипатқа ие емес», - деді Аида Жексен.

Қор жетекшісі қоғамдық бақылаудың басты мақсаты — тек қателік табу емес, сайлау жүйесінің ашықтығына кепіл болу және азаматтардың сенімін нығайту екенін жеткізді. Конференция соңында «Ел Дауысы» қоры алдағы уақытта да азаматтық қоғамды дамыту бағытындағы жұмыстарын жалғастыра беретінін мәлімдеді.