$ 532.74 € 617.23 ₽ 6.77

Екі экс-вице-министр парамен ұсталды: олардан 370 мың доллар мен 4,5 млн теңге тәркіленді

Абдрахманов Мағжан
03 шілде 2025 11:15 284
Екі экс-вице-министр парамен ұсталды: олардан 370 мың доллар мен 4,5 млн теңге тәркіленді Сурет авторы: gov.kz

Алматыда "Бірінші кредиттік бюро" мен "Еңбек ресурстарын дамыту орталығының" басшылары ірі көлемде пара беріп, пара алды деген күдікпен ұсталды. Бұл туралы Қаржылық мониторинг агенттігі хабарлады.

Тергеу мәліметінше, "Бірінші кредиттік бюро" басшылығы өздеріне тиімді шешімдер қабылдануы үшін "Еңбек ресурстарын дамыту орталығының" басшыларына жүйелі түрде пара беріп келген.

2025 жылғы 28 маусымда арнайы операция кезінде 75 мың АҚШ долларын беру сәтінде үш адам қолға түсті:

– Руслан Омаров – "Бірінші кредиттік бюро" бас директоры,
– Ақмәди Сарбасов – "Еңбек ресурстарын дамыту орталығының" қазіргі басшысы, бұған дейін Еңбек және халықты әлеуметтік қорғау министрінің бірінші орынбасары болған,
– Дәулет Арғандыков – орталықтың бұрынғы басшысы, бұған дейін Денсаулық сақтау және әлеуметтік даму вице-министрі қызметін атқарған.

Тінту кезінде 370 мың доллар мен 4,5 млн теңге тәркіленді.

2025 жылғы 30 маусымда сот бұл үшеуін 2 айға қамауға алу туралы шешім шығарды. Тергеу жалғасып жатыр.

#Пара #Жемқорлық #Экс-вице-министр

Соңғы жаңалықтар