Егер Трамп сайлауда жеңіске жетсе, Киевке көк тиын да бермеуге уәде берді – Орбан

Венгрия премьер-министрі Виктор Орбан АҚШ-қа ресми сапармен барған еді. Ол қазіргі президент Джо Байденмен және оның сайлаудағы басты қарсыласы Дональд Трамппен кездесті. Кездесуден кейін Орбан жергілікті телеарналардың біріне егер Трамп сайлауда жеңіске жетсе, Украинаға көк тиын да бермеуге уәде бергенін айтты, деп хабарлайды Qrnews.kz тілшісі qalampir.uz-ге сілтеме жасап.

Орбанның айтуынша, әскери көмекті тоқтату соғысты тоқтатумен тең.

«Украинаның өздігінен аяғынан тұра алмайтыны айдан анық. Америкалықтар қару-жарақ пен ақша бермесе, соғыс аяқталады. Америкалықтар ақша бермесе, еуропалықтар бұл соғысты өздері қаржыландыра алмайды. Трамп қазір президент емес, бірақ оның партиясы демократтардың соғысқа ақша жіберуіне тосқауыл қоюда. Егер Трамп қайтып келсе, көк тиын да алмайтынын айтты», - деді Орбан M1 телеарнасының журналисіне.