Дзюдодан Астанада өтіп жатқан Grand Slam жарысында Ғалия Тыныбаева алтын иеленді

Дзюдодан Астанада өтіп жатқан Grand Slam жарысында қазақ балуаны Ғалия Тыныбаева әйелдер арасында 48 келі салмақта жеңімпаз атанды. 

Тыныбаева финалда бейтарап спортшы ретінде жарысқа қатысқан Сабина Гилиязованы таза жеңді.

Қазақстандық спортшы Астанадағы жарыстың жартылай финалында 2023 жылғы әлем чемпионатының күміс жүлдегері франциялық Ширин Буклиден басым түсті. Бұл – Тыныбаеваның Grand Slam жарыстарындағы алғашқы алтыны. Бұған қоса, Ғалия – Grand Slam турнирлерінде алтын медаль алған алғашқы қазақ қызы. Сондай-ақ ерлер арасында 60 келіде Елдос Сметов (Рио олимпиадасының күміс, Токио олимпиадасының қола жүлдегері) Астанадағы жарыста қола медаль иеленді.

Қазақстан астанасында өтіп жатқан турнир – Париж олимпиадасына жолдамаға ұпай беретін маңызды жарыс.