Дүниежүзілік көшбасшылар балаларды қауіпті аурудан қорғау үшін 1,9 млрд доллар бөлді

Әлемдік лидерлер қаржы тапшылығына қарамастан полиомиелитті жоюға 1,9 млрд доллар бағыттайтынын мәлімдеді. Бұл қаражат жыл сайын 370 миллионға жуық баланы қауіпті вирустық аурудан қорғауға көмектеспек, деп хабарлайды Reuters.

Полиомиелит (полио) — бұл көбіне кішкентай балаларды зақымдайтын жұқпалы вирус. Ол адамға лас қол, ластанған су немесе тамақ арқылы жұғады.

 ДДСҰ мен Гейтс қоры басқаратын Полиомиелитті жою жөніндегі жаһандық бастама (GPEI) келесі жылдары қаржы тапшылығына ұшырауы мүмкін. 2026 жылдан бастап олардың бюджеті 30%-ға қысқаруы ықтимал. 2029 жылға дейін бастамаға 1,7 млрд доллар жетпейді. Бұл — халықаралық донорлардың қолдауы азайып жатқанына байланысты. АҚШ ДДСҰ-дан шығу процесін бастаған соң көмегін азайтқан. Германия мен Ұлыбритания да қаржыландыруды қысқартқан.

Осыған қарамастан, GPEI серіктестері полиомиелиттің таралу қаупі жоғары аймақтарда вакцинация мен бақылауды күшейтуді жоспарлап отыр.

ДДСҰ бас директоры Тедрос Гебрейесус жаңа донорлық қолдаудың полиомиелит әлі жойылмаған елдердегі балаларға қол жеткізуге маңызды ықпал ететінін атап өтті.

Абу-Дабиде өткен донорлық шара кезінде GPEI бағдарламасының 2022–2029 жылдарға арналған бюджет тапшылығы 440 млн долларға дейін азайды. Ең ірі қолдаушылар:

• Гейтс қоры — 1,2 млрд доллар

• Rotary International — 450 млн доллар