Дональд Трамп Қазақстанға келуі мүмкін бе? АҚШ елшісі алдағы сапарлар туралы айтты

Биыл Қазақстанға Америка Құрама Штаттарының бірнеше жоғары лауазымды тұлғасы келеді деп күтіледі. Бұл туралы АҚШ-тың Қазақстандағы елшісі Джули Стаффт мәлімдеді.

Президент сапарының ықтималдығы

Елшінің айтуынша, 2025 жылдың қараша айында АҚШ президенті Дональд Трамп Қазақстанға келу мүмкіндігін жоққа шығармайтынын және елімізге келуге шынайы ниет білдіргенін айтқан. Алайда Ақ үй басшысының жұмыс кестесі өте тығыз екені де ескертілді.

«Дональд Трамп тек мүмкіндік туралы ғана емес, Қазақстанға шын мәнінде келгісі келетінін айтты. Бірақ оның графигі өте тығыз. Сондықтан бұл мүмкіндіктің қашан туатынын нақты білмейміз», – деді Джули Стаффт.

Дипломатиялық байланыстардың кеңеюі

Елшінің пікірінше, АҚШ президентінің келуі екі ел арасындағы өзара іс-қимылдың кеңеюі мен жаңа кезеңінің символына айналмақ. Дегенмен Трамптың сапары нақтыланбаса да, биыл Қазақстанға АҚШ-тан мынадай өкілдер келеді деп жоспарланған:

• Үкімет мүшелері;

• Бизнес өкілдері;

• Конгресс мүшелері.