Депутат: «Әділет вице-министрінің қазақша сөйлемеуі – әділетсіздік»

Мәжіліс депутаты Қазыбек Иса Әділет вице-министрі Ботакөз Шаймарданқызына қазақ тілінде сөйлеу қажеттігін ескертті. Бұл туралы ол Мәжіліс отырысында айтты.

Депутаттың сөзінше, мемлекеттік тіл – қазақ тілі болғандықтан, мемлекеттік орган өкілдері депутаттардың сұрақтарына қазақ тілінде жауап беруі тиіс.

«Мемлекеттік тіл – қазақ тілі екенін білесіз. Осында қаншама депутат қазақ тілінде сұрақ қойды. Бірақ сіз қазақ тілінде жауап бермедіңіз», – деді Қазыбек Иса.

Сондай-ақ ол министрлікке алдағы уақытта мемлекеттік тілде еркін сөйлей алатын өкілдерді жіберуді ұсынды.

«Келесіде мемлекеттік тілде сөйлей алатын адам жіберіңіздер», – деді депутат.