$ 481.83 € 556.8 ₽ 5.85

Дастан Сатпаев әлемнің ең үздік 50 жас футболшының тізіміне кірді

Редакция
26 наурыз 2026, 09:28
Дастан Сатпаев әлемнің ең үздік 50 жас футболшының тізіміне кірді Сурет авторы: Чемпионат

Әйгілі Goal басылымы 2026 жылғы әлемнің ең дарынды 50 жас футболшысының (NXGN 2026) тізімін жариялады. Бұл мәртебелі рейтингте Қазақстан құрамасы мен «Қайраттың» шабуылшысы Дастан Сатпаев 43-орынға табан тіреді. Ол Ламин Ямаль мен Эстеван секілді әлемдік жұлдыздармен бір тізімде бой көрсетті.

17 жасар қазақстандық талант биыл жазда Лондонның «Челси» клубына ауысуға дайындалып жатыр. Трансфер құны 4 миллион еуроны құрамақ. Сатпаев Чемпиондар лигасының негізгі кезеңінде гол соққан тарихтағы үшінші ең жас ойыншы (тек Ансу Фати мен Ламин Ямальдан кейін) ретінде шетелдік сарапшыларды таңғалдырды.

Өткен маусымда Қазақстан чемпионатында 14 гол соғып, 7 нәтижелі пас берген Дастанды мамандар ойын стилі бойынша аңызға айналған Серхио Агуэроға ұқсатуда. Енді бүкіл футбол әлемі «Стэмфорд Бриджге» жол тартқан қазақ баласының Ағылшын Премьер-лигасында қалай өнер көрсететінін асыға күтуде.

#Қазақстан ұлттық құрамасы #Қайрат ФК #Челси #NXGN 2026 #Goal рейтингі #Вундеркинд #Жас таланттар #Ламин Ямаль #Трансфер жаңалықтары #Қазақ футболы #Ағылшын Премьер-лигасы #Чемпиондар Лигасы #Спорт жаңалықтары

Соңғы жаңалықтар