$ 509.63 € 592.34 ₽ 6.54

Бұрынғы премьер-министр Ұлттық Олимпиада комитетіне қызметке орналасты

Редакция
31 наурыз 2024, 05:24
Бұрынғы премьер-министр Ұлттық Олимпиада комитетіне қызметке орналасты

26 ақпанда Қазақстан Ұлттық олимпиада комитетінің бас ассамблеясы отырысы өтіп, оның барысында ұйымда бірқатар кадрлық ауыс-түйіс болды. Қаңтар оқиғасынан кейін Үкіметпен бірге отставкаға кеткен Қазақстанның бұрынғы премьер-министрі Асқар Мамин ҰОК қысқы спорт түрлері бойынша вице-президенті қызметіне  тағайындалды. 

58 жастағы Асқар Мамин әр жылдары Астана қаласының әкімі, Көлік және коммуникациялар министрі, Премьер-Министрдің орынбасары, Үкімет басшысы болған.

Назарбаев 2019 жылғы 19 наурызда президент қызметінен кетерден небәрі бір ай бұрын ғана Асқар Маминді премьер-министр етіп тағайындаған. Назарбаевтан кейін президент болған Қасым-Жомарт Тоқаев Маминге тиіспеді.

Қаңтар оқиғасынан кейін отставкаға кеткен Үкіметпен бірге Мамин де қайта оралмады. 

Асқар Мамин – 1996 жылдан бастап жоғары саяси қызметке іліккен ескі гвардия өкілдерінің бірі. “Уикипедиядағы” өмірбаяны “Целинтяжстрой” трестінің монтаждаушысынан басталып, “Қазақстанның саяси қайраткері” деген анықтамамен аяқталады. Ақмола өңірінің тумасына Қазақстанның астанасы Алматыдан Ақмолаға көшкенде бас қала әкімінің орынбасары қызметі берілген. 2008 жылға дейін Астана әкімі, премьер-министрдің орынбасары, бірінші орынбасары қызметтерін істеп көрді. 12 жылға жуық “Қазақстан темір жолы” ұлттық компаниясын басқарып, 2016 жылы премьер-министрдің бірінші орынбасары болды.

Премьер-министр болған соң да, оған дейін де Асқар Маминнің журналистер алдына шығып, қандай да бір жағдай бойынша сұхбат беріп, пікір білдірген кезі өте сирек. Онымен түрлі жағдайларда кездескен адамдар премьерді “өзін істің адамы ретінде көрсеткісі келетін шенеунік” деп сипаттайды.

Соңғы жаңалықтар