$ 469.59 € 536.22 ₽ 5.96

Бұдан былай жұмыс істей алатын адамдарға мемлекет көмектеспейді – Бектенов

Абдрахманов Мағжан
20 қараша 2025, 12:58
Бұдан былай жұмыс істей алатын адамдарға мемлекет көмектеспейді – Бектенов Сурет авторы: primeminister.kz

Премьер-министр Олжас Бектенов Сенат отырысында бюджет шығыстарын оңтайландыру және әлеуметтік саясаттың жаңа қағидаттары туралы айтты.

Үкімет басшысы алдағы үш жылға арналған республикалық бюджетті қалыптастыру кезінде базалық шығыстар 15%-дан 12%-ға дейін қысқартылғанын, алайда әлеуметтік саладағы шығын үлесі әлі де жоғары екенін мәлімдеді.

«Қазіргі таңда әлеуметтік жәрдемақылар мен түрлі қолдау шаралары мемлекеттік бюджеттің шамамен 60 пайызын құрайды. Бұрын бұл көрсеткіш 40 пайыздан жоғары болатын. Үш жылдық бюджет аясында оны 38 пайызға дейін төмендеттік, әрі қарай да қысқарту бағытында жұмыс жүргіземіз», — деді Премьер-министр.

Бектенов мемлекеттен әлеуметтік қолдау тек объективті себеппен еңбек етуге мүмкіндігі жоқ азаматтарға ғана көрсетілуі тиіс екенін атап өтті.

«Жұмыс істеуге және өзін-өзі қамтамасыз етуге мүмкіндігі жоқ азаматтар ғана мемлекет қамқорлығында болады. Ал жұмыс істей алатын адам еңбек етуі керек. Мемлекет ондайларды қамқорлығында ұстамауы тиіс және ұстамайды да», — деді Үкімет басшысы.

#Әлеуметтік көмек

Соңғы жаңалықтар