$ 472.48 € 550.06 ₽ 6.59

Нұрбек Оралбай Азия чемпионы атанып, Қазақстанға үшінші алтынды сыйлады

Редакция
10 сәуір 2026, 13:00
Нұрбек Оралбай Азия чемпионы атанып, Қазақстанға үшінші алтынды сыйлады Сурет авторы: olympic.kz

Нұрбек Оралбай бокстан 2026 жылғы Азия чемпионы атанып, Ұлан-Баторда өтіп жатқан турнирде Қазақстан қоржынына үшінші алтынды салды, деп хабарлайды ҚР Ұлттық Олимпиада комитеті.

2024 жылғы Олимпиада ойындарының күміс жүлдегері 85 келіге дейінгі салмақ дәрежесінің финалында өзбекстандық Жасурбек Юлдошевпен қолғап түйістірді.

Қазақстандық боксшы алғашқы минуттардан-ақ бастаманы өз қолына алып, бірінші раундта 5:0 есебімен сенімді басымдық танытты. Екінші үш минуттықта да Оралбай мықты екенін көрсетіп, жеңіске бір табан жақындай түсті.

Жекпе-жек қорытындысы бойынша Нұрбек Оралбай төрешілердің бірауыздан шығарған шешімімен жеңіске жетіп, алтын медальді иеленді.

Бұған дейін Қазақстан құрамасы сапында 60 келіге дейінгі салмақта Оразбек Асылқұлов және 75 келіде Сабыржан Аққалықов Азия чемпиондары атанған болатын.

70 келіге дейінгі салмақта бокстасқан Төрехан Сабырхан финалда есе жіберді.

Әйелдер құрамасы Азия чемпионатында екі алтын және бір күміс медаль жеңіп алды. 70 келі салмақта Бақыт Сейдіш құрметті екінші орынды иеленді. 80 келіде - Надежда Рябец, ал 80 келіден жоғары салмақта Дина Исламбекова үздік шықты.

#Азиячемпионаты2026 #Нұрбекоралбай #Жеңіс #Қазақстанспорты #Ұланбатыр #Алтынмедаль #Ұлттыққұрама #Спортжаңалықтары #Оралбай #Жассарбаз #Боксқазақстан

Соңғы жаңалықтар